وزیراعظم نریندر مودی نے ملکیت منصوبہ کی شروعات سے پہلے سنیچر کو ٹویٹ کرکے کہا کہ کل کا دن دیہی علاقوں کے لیے بڑی مثبت تبدیلی لانے والا ہے۔
صبح گیارہ بجے ملکیت اسکیم کے تحت پراپرٹی کارڈ تقسیم کرنے کی شروعات کی جائے گی، یہ اسکیم کروڑوں ہندستانیوں کی زندگی میں میل کا پتھر ثابت ہوگی۔
ایک دیگر ٹویٹ میں انہوں نے کہا کہ ملکیت اسکیم کے تحت مرحلہ وار طریقہ سے ملک کے تقریباً 6.62لاکھ گاؤں کے لوگوں کو پراپرٹی کارڈ دیئے جائیں گے۔
گاؤں والوں کو اپنی املاک کی ملکیت کا سرکاری دستاویز ملے گا، جو انہیں بااختیار بنائے گا، اس کے ذریعہ وہ بینک لون سمیت کئی مالیاتی سہولیات کا فائدہ اٹھا سکیں گے۔
خیال رہے کہ مودی اتوار کو ویڈیو کانفرنسنگ کے ذریعہ پنچایت راج وزارت کی اس اسکیم کی شروعات کریں گے۔
