وزیراعظم نریندر مودی آج ویڈیو کانفرنسنگ کے ذریعے کووڈ 19 کے خلاف ویکسین تیار کرنے والی ٹیم سے ملاقات کریں گے۔
خیال رہے کہ گذشتہ 24 گھنٹوں کے دوران بھارت میں کورونا وائرس سے 41،810 افراد متاثر ہوئے ہیں، جس کی وجہ سے اب بھارت میں کورونا متاثرین کی تعداد 93،92،920 ہوگئی۔ اب تک بھارت میں کورونا وائرس سے ہلاک ہونے والوں کی تعداد 1،36،696 ہوگئی۔
وزیر اعظم آفس (پی ایم او) کے ایک بیان کے مطابق وہ جینیوا بائیوفرما ، بائیوولوجیکل ای ، اور ڈاکٹر ریڈی کی ٹیموں کے ساتھ بات چیت کریں گے ، جو کووڈ 19 کی ویکسین تیار کرنے میں شامل ہیں۔
اس کی جانکاری پی ایم او نے ٹوئٹ کرکے دی ہے۔
مزید پڑھیں:بھارت، شنگھائی تعاون تنظیم کی میزبانی کرے گا آج
گذشتہ 28 نومبر 2020 کو وزیراعظم نریندر مودی نے ریاست تلنگانہ کے دارالحکومت حیدرآباد کے بھارت بائیوٹیک اور ریاست گجرات کے شہر احمد آباد کے زیڈس بائیوٹیک پارک بھی گئے تھے۔
اس کےعلاوہ اسی دن وزیر اعظم نریندر مودی نے ریاست مہاراشٹر کے شہر پونا میں واقع سیرم انسٹی ٹیوٹ آف انڈیا کا دورہ کرکے وہاں کووڈ 19 کی ویکسین کی تیاریوں کا جائزہ لیا تھا۔
