وزیر اعظم نریندر مودی نے آج قوم کے نام خطاب کے دوران کورونا وائرس سے نمٹنے کے لیے خصوصی پیکج کا اعلان کرتے ہوئے کہا کہ اس وقت پورا ملک معاشی بحران سے گزررہا ہے۔ ایسے حالات سے نمٹنے کے لیے خصوصی اقتصادی پیکج کا اعلان کرتا ہوں۔
انہوں نے کہا کہ یہ پیکیج دو ہزار بیس کے لیے ہے۔اور جی ڈی پی کا دس فیصد ہے جو کسانوں اور غریبوں کے لیے خاص ہے۔
انہوں نے کہا کہ اقتصادی پیکج میں کچھ اہم فیصلے لیے جائیں گے۔
انہوں نے کہا کہ اس بحران کے وقت پورے ملک کے لوگ پریشان ہوئے ہیں جنہیں پٹری پر لانے کے لیے یہ خصوصی پیکیج کافی اہم کام کرے گا۔
وزیر اعظم نریندر کے خطاب سے قبل قیاس آرائی کی جارہی ہے کہ مودی کووڈ۔ 19 عالمی وبا کے سبب نافذ کیے گئے لاک ڈاؤن کے تعلق سے مستقبل کی حکمت عملی کے بارے میں کوئی اطلاع دیں گے۔
واضح رہے کہ وزیراعظم نے کل تمام ریاستوں کے وزرائے اعلی کے ساتھ ویڈیو کانفرنس کے ذریعہ میراتھن میٹنگ میں لاک ڈاؤن کے بارے میں تفصیلی صلاح و مشورہ طلب کیا تھا۔
قابل غور ہے کہ کورونا وائرس پر قابو پانے کے لیے ملک بھر میں تیسری بار لاک داؤن کی میعاد میں اضافہ کیا گیا ہے اور اس تیسرے لاک ڈاؤن کی میعاد 17 مئی تک ہے۔
