'نوجوان ’ایکتا دوڑ‘ کی تیاری شروع کریں'

وزیراعظم نریندر مودی نے نوجوانوں سے سردار ولبھ بھائی پٹیل کی یوم پیدائش کے موقع پر ہر برس سے ہونے والی ’ایکتا دوڑ‘ کی تیاری کرنے کی تلقین کی۔

مودی نے اتوار کے روز آکاشوانی پر نشر ہونے والے اپنے ماہانہ ریڈیو پروگرام ’من کی بات‘ میں ملک کے عوام سے خطاب کرتے ہوئے کہا کہ لوگوں کو سردار ولبھ بھائی پٹیل کے یوم پیدائش کے موقع پر ہونے والی ’ایکتا دوڑ‘ کی تیاری شروع کرنی چاہیے۔
انہوں نے کہا کہ ’’31 اکتوبر سردار ولبھ بھائی پٹیل کا یوم پیدائش ہے۔ ’ایک بھارت، سریشٹھ بھارت‘ یہ ہم سب کا خواب ہے اور اسی مقصد کے تحت ہر برس 31 اکتوبر کو ہم پورے ملک میں ’یکجہتی کے لئے دوڑیں۔ ملک کے عوام، بزرگ،اسکول کالج اور ہزاروں کی تعداد میں، بھارت کے لاکھوں گاؤں میں اس دن ملک کی یکجہتی کے لئے ہمیں دوڑنا ہے۔ اس لئے آپ بھی اس دوڑ کے لئے اپنی تیاری شروع کیجئے۔ انھوں نے کہا کہ اس تعلق سے آگے تفصیل سے بات کریں گے لیکن ابھی وقت ہے، کچھ لوگ مشق بھی شروع کرسکتےہیں، اور اس کی حکمت عملی بھی تیار کر سکتے ہیں۔