قومی دارالحکومت دہلی میں واقع مجینٹا لائن پر آج ملک کی پہلی ڈرائیور لیس ٹرین خدمات شروع ہو گئی، وزیر اعظم نریندر مودی نے اس میٹرو خدمات کا ہری جھنڈی دکھا آغاز کیا اور دہلی کے لوگوں کو نئے سال کے موقعے پر تحفہ دیا ہے۔
وزیر اعظم نریندر مودی نے ویڈیو کانفرنسنگ کے ذریعے اسے ہری جھنڈی دکھایا جس کے بعد ڈرائیور لیس میٹرو خدمات شروع ہو گئی۔
ابھی اس ڈارئیور لیس کا آغاز 37 کلومیٹر لمبی میجنٹا لائن پر ہی کیا گیا ہے جو بعد میں آہستہ آہستہ میٹرو کے تینوں فیز کی سبھی لائنز پر چلنے لگیں گی۔ میجنٹا لائن کے بعد اسے 57 کلومیٹر لمبی پنک لائن پر لانچ کیا جائے گا۔
ڈی ایم آر سی کے مطابق دہلی میٹرو کی پنک اور مجینٹا لائن میں تعمیر کے وقت سے ہی ڈرائیور لیس میٹرو کے کام کرنے کی سہولت موجود ہے۔ اس میں سی بی ٹی سی (مواصلات پر مبنی ٹرین کنٹرول) سگلنلنگ سسٹم ہے۔ لیکن اب تک ان دونوں لائنوں پر میٹرو کو ڈارئیور چلا رہے ہیں کیوںکہ ڈرائیور کے بغیر چلانے کا کوئی قاعدہ نہیں تھا۔
ڈی ایم آر سی نے اب تیسرے مرحلے کی لائن پر ڈرائیور لیس میٹرو چلانے کے لیے وزارت سے منظوری لے لی ہے لہذا سب سے پہلے یہ خدمت جنک پوری ویسٹ سے بوٹینیکل گارڈن کے مابین چلنے والی مجینٹا لائن میٹرو پر شروع کی جارہی ہے۔ وزیر اعظم نریندر مودی نے پیر کی صبح اس لائن کی پہلی ڈرائیور لیس میٹرو کو ہری جھنڈی دکھا کر روانہ کیا۔
معلومات کے مطابق دہلی میٹرو کے تیسرے مرحلے میں تعمیر کی گئی مجینٹا اور پنک لائن میٹرو میں سی بی ٹی سی نظام موجود ہے۔ یہ سسٹم وائی فائی کی طرح کام کرتا ہے۔ یہ میٹرو کو سگنل دیتا ہے جس سے وہ چلتی ہے، میٹرو ٹرین میں لگے رسیور سگنل ملنے پر میٹرو کو آگے بڑھاتے ہیں۔
یہ نظام بہت سارے غیر ملکی میٹرو میں استعمال ہوتا ہے۔ یہ سسٹم اتنا محفوظ ہے کہ اگر کبھی ایک ہی ٹریک پر دو میٹرو آمنے سامنے آجائیں تو یہ خود بخود ایک خاص فاصلے پر رک جائے گی۔ ڈی ایم آر سی ذرائع کے مطابق اس ڈرائیور لیس میٹرو میں کچھ وقت کے لیے ڈرائیور کو مامور کیا جائے گا لیکن بعد میں انہیں ہٹا دیا جائے گا۔
ڈی ایم آر سی ذرائع کے مطابق یہ ڈرائیور لیس میٹرو مسافروں کو پہلے کے مقابلے میں سفر کا بہتر تجربہ فراہم کرے گی۔ عام طور پر آپ میٹرو سفر کے دوران جس طرح کے جھٹکے کا تجربہ کرتے ہیں وہ اس نئے تکنیک والے ڈرائیور لیس میٹرو کے سفر میں نہیں ہوگا۔ میٹرو میں سوار اور اترنے کے دوران مسافروں کو کسی بھی قسم کی پریشانی نہیں ہوگی۔ اس خدمت کے شروع ہونے سے انسانی غلطی کا امکان بھی ختم ہوجائے گا۔ اس وقت 25 سے 30 ڈرائیور لیس میٹرو ڈی ایم آر سی مجینٹا لائن پر چلنے جارہی ہے۔ یہ لائن جنک پوری ویسٹ سے نوئیڈا کے بوٹینیکل گارڈن تک چلتی ہے۔ کہا جاتا ہے کہ میٹرو کے چوتھے مرحلے کی تمام لائنوں میں ڈرائیور لیس میٹرو چلانے کی سہولت بھی ہوگی۔
