وزیر اعظم نریندر مودی نے ٹویٹ کر کے کہا 'محترمہ سونیا گاندھی جی کو سالگرہ کی دلی مبارکباد، ان کی اچھی صحت اور درازیِ عمر کے لئے دعا گوہوں'۔
سونیا گاندھی کی پیدائش نو دسمبر 1946 اٹلی کے لوسیانا شہر میں ہوئی ہے۔ ابتدائی تعلیم علاقائی اسکول میں حاصل کی۔ اعلی تعلیم کے لیے انھوں نے کیمبرج یونیورسٹی کا رخ کیا۔
کیمبرج میں ان کی ملاقات راجیو گاندھی سے ہوئی۔ 1968 میں راجیو اور سونیا گاندھی ازدواجی رشتے سے منسلک ہوئے۔
سونیا گاندھی نے بھارت میں منتقل ہونے کے بعد بھارتی شہریت حاصل کی اور اپنی ساس اندرا گاندھی کے ساتھ دہلی میں قیام پذیر ہوئیں۔
اندرا گاندھی اس وقت بھارت کی وزیر اعظم تھیں، باوجود اس کے سونیا عوام سے دور رہتی تھیں۔
راجیو گاندھی کے قتل کے بعد سونیا گاندھی کو 1997 میں کانگریس کا صدر بنایا گیا۔ تب سے سونیا سیاست میں سرگرم ہیں۔ اور موجودہ وقت میں بھی وہ کانگریس پارٹی کی صدر کے طور پر عہدہ سنبھال رہی ہیں۔
