بھارتی وزیراعظم، جی۔20 سربراہی اجلاس میں شرکت کے لیے جاپان کے شہر اوساکا پہنچ گئے ہیں۔
اوساکا کے کانسائی عالمی ایئر پورٹ میں وزیراعظم مودی کا شاندار استقبال کیا گیا۔ وزیراعظم مودی اپنے تین روزہ دورے میں مختلف عالمی رہنماؤں سے ملاقات کریں گے۔
امریکی صدر ڈونلڈ ٹرمپ کے علاوہ روسی صدر ولادیمیر پوتن اور چینی صدر شی جنگ پنگ سے بھی وزیراعظم مودی ملاقات کریں گے۔
جاپان کے اوساکا میں ہونے والے جی 20 اجلاس میں وزیراعظم مودی کی چھٹی شرکت ہو گی۔ یہ اجلاس 28 جون سے 29 جون تک جاری رہے گا۔
اپنی روانگی سے قبل وزیراعظم مودی نے اپنے پیغام میں کہا کہ اس فورم میں خواتین کی بااختیاری، آرٹیفیشل انٹیلیجنس اور دہشت گردی کے چیلنجز جیسے ہمارے اہم ایجنڈے ہوں گے۔
انہوں نے کہا کہ یہ فورم مختلف ممالک کے درمیان باہمی تعلقات میں اضافہ کرنے کا ایک اہم موقع فراہم کرتا ہے۔
