وزیر اعظم مودی نے لوک سبھا میں اپنے خطاب کے دوران اس کا اعلان کرتے ہوئے کہا کہ 'سپریم کورٹ کی ہدایت پر حکومت نے ٹرسٹ کے قیام کا فیصلہ کیا ہے، اس ٹرسٹ کا نام’ شری رام جنم بھومی تیرتھ چھیتر‘ ہوگا، اس میں سبھی پنتھوں کے لوگوں کو شامل کیا جائے گا۔'
وزیراعظم نے بتایا کہ 'ان کی صدارت میں مرکزی کابینہ کی میٹنگ میں یہ اہم فیصلہ کیا گیا ہے۔ انہوں نے یہ بھی کہا کہ 'کابینہ کی میٹنگ میں یہ بھی فیصلہ ہوا ہے کہ سنی وقف بورڈ کو بھی اس کے حصے کی زمین الاٹ کی جائے گی، ریاستی حکومت کو اس سلسلہ میں درخواست بھیج دی گئی ہے اور اس نے اس پر عمل کرنے کی رضامندی بھی ظاہر کی ہے۔'
اس اعلان کے بعد حکمراں فریق کے ارکان نے میزیں تھپتھپا کر اس کا خیر مقدم کیا۔