وزیر اعظم نریندر مودی نے آج صبح 9 بجے ویڈیو پیغام جاری کرتے ہوئے عوام سے پانچ ائریل کی رات نو بجے 9 منٹ تک لائٹ بند کے ساتھ گھروں کے دروازے، بالکونی میں دیا، موم بتی، یا ٹارچ جلانے کی اپیل کی۔
وزیر اعظم نریندر مودی نے آج عوام کے نام جاری ویڈیو پیغام میں کہا کہ کورونا وائرس کو شکست دینے کے لیے ہر آدمی پانچ اپریل کی رات نو بجے سے 9 منٹ تک لائٹ بند رکھیں اور گھر کے دروازے یا بالکونی پر کھڑے ہوکر دیا، موم بتی یا موبائل کا فلش لائٹ جلائیں۔
انہوں نے کہا کہ جس طرح سے جنتا کرفیو میں ہم نے تھالی اور تالی بجاکر مثبت پیغام دیا ہے اور دنیا بھر میں تعریف ہوئی ہے اسی طرح سے ہم لائٹ بند کرکے ایک مثال بنیں اور کورونا وائرس کو شکست دیں۔
وزیر اعظم نے جمعرات کو اس بارے میں اپنے ٹویٹر ہینڈل سے اس ویڈیو پیغام کو جاری کرنے کے کے بارے میں لوگوں کو جانکاری دی تھی۔ انہوں نے اپنے ٹویٹ میں کہا تھا کہ ملک کے نام ایک چھوٹا وڈیو شیئر کریں گے۔
واضح رہے کہ جمعرات کو وزیر اعظم نریندر مودی نے ریاستوں کے وزرائے اعلیٰ کے ساتھ ویڈیو کانفرنس کے ساتھ ایک میٹنگ کی تھی جس میں کورونا وائرس کےپھیلاؤ کو روکنے کے لیے تبادلہ خیال کیا۔
وزیر اعظم نے لاک ڈاؤن میں تمام ریاستوں کے تعاون پر شکریہ ادا کیا اور کہا کہ ان کے تعاون کی وجہ سے ہی کورونا وائرس کا دائرہ وسیع ہونے سے بچ رہا ہے۔
واضح رہے کہ اس وقت ملک بھر میں کورونا وائرس سے 60 سے زائدافراد ہلاک ہوچکے ہیں جبکہ دو ہزار سے زائد اس سے متاثر ہیں۔
