ملک بھر میں غیر منظم شعبے سے وابستہ ملازمین کو لاک ڈاؤن کی وجہ سے سخت دشواریاں پیش آرہی ہیں۔
اسی تناظر میں ایڈووکیٹ آر سبرامنیم نے سپریم کورٹ میں عرضی دائر کر کے مرکزی حکومت سے درخواست کی ہے کہ وہ ایک ایسی اسکیم تشکیل دے جو غیر منظم شعبہ کے ملازمین اور مزدوروں کو لاک ڈاؤن کی وجہ سے ہونے والے نقصان کے لیے معاوضے کو یقینی بنائے۔
ایڈوکیٹ آر سبرامنیم کے ذریعہ دائر کی گئی عرضی میں کہا گیا ہے کہ حکومت کو چاہیے کہ وہ اس اسکیم کو ہر ریاست اور مرکز کے زیر انتظام علاقوں میں نافذ کرے۔
انھوں نے لاک ڈاؤن کے دوران ہونے والے محصولات کے بعد تمام ریاستوں اور مرکز کے زیر انتظام علاقوں کے ملازمین کو 100 فیصد معاوضے پر بھی زور دیا ہے۔
