ٹرانسمیشن لائن کے کناروں سے بھی مٹی اٹھائی گئی ہے جس سے ٹاور کے کنارے کمزور ہوگئے ہیں جس کی وجہ سے ٹرانسمشن لائن کا ٹاور کبھی بھی گر سکتا ہے۔
علاقے میں گزشتہ ایک ماہ سے غیر قانونی طریقے سے مٹی نکالنے کا کام جاری ہے۔
وندھامہ کمیٹی کے اراکین نے ای ٹی وی بھارت کو بتایا کہ دن رات مشینوں سے مٹی نکالی جارہی ہے، اور پانی فراہم کرنے والی پائپ لائن کو بھی اکھاڑ دیا گیا ہے جس سے پورے علاقے میں پانی کی قلت ہوگئی ہے۔
ویلفیئر کمیٹی کے اراکین نے کہا کہ ٹرانسمیشن لائن کے کناروں سے بھی مٹی اٹھائی گئی ہے جس سے ٹاور کے کنارے کمزور ہوگئے ہیں جس کی وجہ سے ٹرانسمشن لائن کا ٹاور تیز ہواوں یا شدید برفباری سے گر سکتا ہے۔
ویلفیئر کمیٹی کا کہنا ہے کہ انہوں نے اس سے متعلق ضلع انتظامیہ کو اطلاع دی ہے، لیکن کوئی کاروائی نہیں ہوئی ہے۔
انہوں نے گورنر انتظامیہ سے مٹی اٹھانے والوں کے خلاف کاروائی کا مطالبہ کیا ہے۔
