سرکاری آئل مارکیٹنگ کمپنیوں نے اتوار کے روز مسلسل پانچویں دن پیٹرول اور ڈیزل کی قیمتوں میں اضافہ کیا ہے۔ صنعتی شہر ممبئی میں آج پیٹرول کے دام 90 روپے فی لیٹر ہوگئے ہیں، جبکہ دارالحکومت دہلی میں دو سال بعد اس کی قیمت کل ہی 83 روپے سے تجاوز کر گئی تھی۔
آج ملک کے چار بڑے میٹرو شہروں میں پیٹرول میں 28 پیسے اور ڈیزل میں 30 پیسے فی لیٹر کا اضافہ ہوا ہے۔
دہلی میں آج پیٹرول 83.41 روپے فی لیٹر اور ڈیزل 73.62 روپے فی لیٹر تک پہنچ گیا۔
صنعتی شہر ممبئی میں پیٹرول 90.01 روپے اور ڈیزل کی قیمت 80.20 روپے فی لیٹر ہے، چنئی میں قیمتیں بالترتیب 86.21 اور 78.93 فی لیٹر ہیں۔ کولکاتہ میں پیٹرول کی قیمت 84.86 روپے اور ڈیزل کی قیمت 77.15 روپے فی لیٹر ہوگئی ہے۔
ملک کے چار بڑے میٹرو شہروں میں آج دونوں ایندھن کی قیمت فی لیٹر اس طرح رہیں۔
| شہر | پیٹرول | ڈیزل |
| دہلی | 83.41 | 73.62 |
| ممبئی | 90.01 | 80.20 |
| چنئی | 86.21 | 78.93 |
کولکاتا | 84.86 | 77.15 |
