کانگریس کے رہنما ہاردک پٹیل نے راجیہ سبھا انتخابات سے قبل پارٹی کے کچھ ممبران اسمبلی کے بی جے پی میں شامل ہونے کے بارے میں میڈیا رپورٹس پر تبصرہ کرتے ہوئے کہا کہ ' لوگوں کو ان کو چپلوں سے پیٹنا چاہئے۔'
پچھلے ایک مہینے سے بی جے پی اراکین اسمبلی کی خرید و فروخت میں ملوث رہی ہے۔ انہوں نے 140 کروڑ سے 150 کروڑ روپئے خرچ کیے۔ اگر وہ یہ رقم وینٹیلیٹر خریدنے کے لئے خرچ کرتے تو ہم کچھ جانیں بچاسکتے۔ مجھے یقین ہے کہ وہ لوگ (ایم ایل اے) جنہوں نے عوام سے دھوکہ دہی کی پیسوں کی لالچ میں بک گئے۔
انہوں نے کہا کہ انتخابات سے پہلے وہ کیوں استعفی دے رہے ہیں؟ الیکشن کمیشن سب کچھ جاننے کے باوجود بھی خاموش ہے۔ بی جے پی راجیہ سبھا میں اکثریت حاصل کرنے کی کوشش کر رہی ہے۔ ہم یقینی طور پر راجیہ سبھا کی دو سیٹیں جیتیں گے۔
راجیہ سبھا انتخابات سے پہلے جو 19 جون کو ہونے والے ہیں ، کانگریس کے تین ایم ایل اے نے گذشتہ کچھ دنوں میں مقننہ سے استعفی دے دیا ہے۔اس پیشرفت کے بعد کانگریس نے اپنے ممبران اسمبلی کو ریاست اور راجستھان کے مختلف ریزورٹس میں منتقل کردیا ہے۔
