بہار حکومت نے ریاست میں فروخت ہونے والے پان مسالے اور گٹکا پر ایک برس کے لیے مکمل پابندی عائد کر دی ہے۔
ریاستی کابینہ کے سکریٹری سنجے کمار نے بتایا کہ بہار میں 15 طرح کے پان مسالے اور گٹکھا پر ایک برس کے لیے مکمل پابندی عائد کردی گئی ہے۔ ان تمام مسالے اور گٹکھا میں میگنیشیم کاربونیٹ پائے گئے جو صحت کے لیے انتہائی مضر ہے۔ انہوں نے بتایا کہ ان میں نیکوٹین نہیں ملا۔
کابینی سکریٹری سنجے کمار نے بتایا کہ تمام کمپنیوں کے پان مصالہ میں نیکوٹین کے بجائے میگنیشیم کاربوہائیڈریٹ پایا گیا، جو قابل قبول نہیں ہے۔ اس وجہ سے ان پر ایک برس کے لیے مسلسل پابندی عائد کردی گئی ہے۔
انہوں نے کہا کہ حکومت نے پابندی عائد کرکے سپلائی سائیڈ پر کنٹرول کر لیا ہے ہے لیکن ڈیمانڈ سائیڈ پر قابو پانے کے لیے میڈیا والوں کی ضرورت پیش آئے گی تاکہ سماج میں بات پہنچے اور لوگ ان ممنوعہ اشیا کا استعمال نہ کریں۔
ایک سوال کے جواب میں کابینہ سیکریٹری نے بتایا کہ کے اشتہار پر کوئی پابندی نہیں ہے۔
