مشکل وقت میں عوام کے ساتھ ہوں: پپو یادو

ریاست بہار کے بیشتر اضلاع میں زبردست بارش کے بعد ریڈ الرٹ جاری کردیا گیا ہے۔ اس بارش سے تا حال 10 افراد کے ہلاک ہونے کی اطلاع ہے۔

ہفتہ کے روز جاری بارش کے سبب عام زندگی مفلوج ہوگئی تھی اور اتوار کے روز بھی محکمہ موسمیات نے شدید بارش کی پیش قیاسی کی ہے۔ تمام ریاست میں مسلسل بارش جاری ہے۔

ای ٹی وی بھارت کے نمائندے سے بات کرتے ہوئے جن ادھیکار پارٹی کے صدر پپو یادو نے کہا کہ 'اس مشکل وقت میں وہ عوام کے ساتھ ہیں۔'

انہوں نےکہا کہ 'لوگوں کو ہماری ضرورت ہے۔ آج وہ پٹنہ کا دورہ کریں گے اور عوام کو جو بھی مدد چاہیے فراہم کریں گے۔'

انہوں نے کہا کہ 'وہ اس مشکل وقت میں خاموش تماشائی بن کر نہیں رہ سکتے۔'

انہوں نے کہا کہ پٹنہ میں صورتحال بہت خراب ہے اور لوگوں کے پاس کھانے کے لیے کچھ بھی نہیں ہے اور صاف پینے کا پانی بھی دستیاب نہیں ہے۔ لوگ مررہے ہیں اور بہار کی حکومت ان کے لیے کچھ نہیں کررہی ہے۔

ایک دن قبل ہوئی شدید بارش نے پٹنہ میں سیلاب جیسی صورتحال پیدا کردی ہے۔ قدیم رہائشیوں کا کہنا ہے کہ انہوں نے گذشتہ 45 سال میں ایسی بارش نہیں دیکھی جیسی 1974 میں دیکھی گئی تھی۔

ریاست میں سیلاب سے تاحال 10 افراد ہلاک ہوچکے ہیں جن میں ایک چھوٹا بچہ بھی بجلی کے کھمبے کو چھونے سے شاک لگنے سے ہلاک ہوگیا۔ چار دیگر ضلع گیا میں مٹی کے گھروں کے ٹوٹنے سے دب کر ہلاک ہوگئے