ریاست مدھیہ پردیش سے بی جے پی کی رکن پارلیمان اور مالیگاؤں بم دھماکے کی ملزمہ سادھوی پرگیہ سنگھ ٹھاکر کو دفاعی امور پارلیمانی کمیٹی میں شامل کیا گیا تھا لیکن لوک سبھا میں گوڈسے کو محب وطن بتانے پر آج کمیٹی سے برخاست کردیا ہے۔
ان کے اس بیان کے بعد سادھوی کو پارلیمانی پارٹی کی میٹنگ میں شرکت کرنے سے بھی روک دیا گیا ہے۔
وہیں بی جے پی کے کارگزار صدر جے پی نڈا نے سادھوی پرگیہ کے بیان کی مذمت کرتے ہوئے کہا کہ اس طرح کی حرکت کرنے والے رہنماؤں کی پارٹی میں کوئی ضرورت نہیں ہے۔
ذرائع نے دعویٰ کیا ہے کہ پرگیہ کے بیان سے بی جے پی کے اندر کافی ناراضگی ہے اس لیے اندازہ لگایا جارہا ہے کہ سادھوی پرگیہ سنگھ ٹھاکر کو بی جے پی سے نکالا جا سکتا ہے۔
ان کے اس بیان کو لے کر پارلیمنٹ میں زبردست ہنگامہ آرائی جاری ہے۔
