خیال رہے کہ رواں برس فروری میں کشمیر کے پلومہ کے اونتی پورہ علاقے میں بھارتی نیم فوجی دستے سی آر پی ایف کے جوانوں پر حملے کے بعد دونوں ملکوں کے درمیان کشیدگی پیدا ہوگئی تھی، اس کے بعد بھارتی فضائیہ کی جانب سے بالاکوٹ میں بمباری کے واقعات سامنے آئے تھے پھر پاکستان کی جانب سے بھارتی جنگی طیارہ گرائے جانے کے واقعات کے بعد دونوں ملکوں میں مزید کشیدگی پیدا ہوگئی تھی، جس کے باعث پاکستان کی فضائی حدود تمام کمرشل اور نجی پروازوں کے لیے بند کر دی گئی تھی۔
پاکستانی فضائی حدود کی بندش سے ایئر انڈیا کو تقریبا 491 کروڑ روپے کا خسارہ برداشت کرنا پڑا تھا، اس سلسلے میں شہری ہوابازی کے مرکزی وزیر ہردیپ سنگھ پوری نے پارلیمنٹ میں بتایا تھا کہ پاکستانی فضائی حدود کی بندش کی وجہ سے ایئر انڈیا کا 430 کروڑ روپے زیادہ خرچ ہوا ہے۔ لیکن اب جب پاکستان نے اپنے فضائی حدود سبھی پروازوں کے لیے کھول دیے ہیں تو ایئر انڈیا کو سب سے زیادہ فائدہ ہونے کی امید ہے۔
