پاکسانی فوج نے لائن آف کنٹرول پر فضائی حدود کی خلاف ورزی کرنے کے الزام میں ایک بھارتی جاسوس کواڈکوپٹر' کو مار گرانے کا دعویٰ کیا ہے۔
فوج کے جاری کردہ بیان کے مطابق 'ڈرون کو ایل او سی کے پانڈو سیکٹر میں نشانہ بنایا گیا اور اس کا ملبہ پاکستان کی طرف گر گیا۔'
بیان میں دعویٰ کیا گیا 'رواں برس کے 7 ماہ میں اب تک پاکستانی فوج نے بھارت کے دس کواڈ کاپٹرز کو نشانہ بنایا ہے۔'
یہ بھی پڑھیں
پونچھ میں جنگ بندی کی خلاف ورزی
بھارت نے پاکستانی فوج کے اس طرح کے دعوؤں کو مسترد کر دیا ہے۔
واضح رہے کہ لائن آف کنٹرول پر بھارت اور پاکستان کے درمیان کشیدگی کا سلسلہ مسلسل جاری ہے۔ بھارت - پاک کے درمیان کشیدگی میں اس وقت اضافہ ہوا جب 27 فروری کو پاکستانی فضائی حدود کی خلاف ورزی کرنے پر مگ 21 طیارے کو مار گرایا تھا۔
مگ 21 چلانے والے بھارتی پائلٹ ابھینندن کو بھی حراست میں لیا گیا تھا جسے بعد ازاں پاکستان نے رہا کر دیا تھا اور انہیں واگھہ بارڈر پر بھارتی حکام کے حوالے کیا گیا تھا۔
