آئی این ایکس میڈیا بدعنوانی کے معاملے میں تہاڑ جیل میں بند کانگریس کے سینئر لیڈر اور سابق مرکزی وزیر پی چدمبرم کو پیٹ میں درد کی شکایت کے بعد طبی معائنے کے لیے آج آل انڈیا انسٹیٹیوٹ آف میڈیکل (ایمس) میں داخل کرایا گیا ۔
ذرائع نے اس بات کی تصدیق کی ہے کہ تہاڑ جیل میں بند مسٹر چدمبرم کو پہلے رام منوہر لوہیا ہسپتال لے جایا گیا تھا اور پھر بعد میں انہیں ایمس لے جایا گیا۔
غور طلب ہے کہ مسٹر چدمبرم نے گزشتہ ہفتے عدالت میں پیشی کے دوران درخواست کی تھی کہ انہیں پیٹ میں درد کی علاج کے لیے حیدرآباد جانے دیا جائے۔'
انہوں نے کہا تھا کہ علاج کے بعد بھی ان کی حراست جاری رہ سکتی ہے۔ اگرچہ انفورسمنٹ ڈائرکٹوریٹ (ای ڈی) نے کہا کہ کانگریسی لیڈر کو کسی بھی صحت کی ضروریات کے لیے ایمس لے جایا جا سکتا ہے۔
مسٹر چدمبرم کو اگست میں آئی این ایکس میڈیا منی لانڈرنگ کے معاملے میں مرکزی تفتیشی بیورو (سی بی آئی) نے گرفتار کیا تھا۔ اس سے پہلے وہ تہاڑ جیل میں عدالتی حراست میں بند تھے لیکن بعد میں انہیں ای ڈی حراست میں بھیج دیا گیا۔
