بنگلورو میں اورینٹیشن پروگرام کا انقعاد سگما فاؤنڈیشن اور لیڈ ٹرسٹ کی جانب سے کیا گیا۔
اس پروگرام میں مسابقتی اور سول سروس امتحانات کے حوالے سے طلبا و طالبات کو تفصیل سے بتایا گیا۔
اس اوریئنٹیشن پروگرام میں آئی اے ایس، آئی پی ایس، آئی ایف ایس و دیگر سول سروسز کے متعلق طلباء کو تفصیلات فراہم کی گئی کہ وہ کیسے ان امتحانات میں داخلہ لیں اور کیسے تیاری کریں۔
اس پروگرام میں مہمان خصوصی کے طور پر زکاۃ فاؤنڈیشن کے سربراہ ظفر محمود نے شرکت کی۔ اس موقعے پر انہوں نے کہا کہ سول سروس ملک و ملت کی خدمت کا بہترین ذریعہ ہے۔
ظفر محمود نے کہا کہ مسلم معاشرے کو خاص طور پر ان امتحانات کی طرف غور کرنے کی ضرورت ہے، کیوں کہ یہ ملت کو بااختیار بنانے کا یہ بہترین ذریعہ ہے۔
آئی پی ایس علما افروز نے طلبا کی حوصلہ افزائی کی اور انہوں نے امتحانات میں تیاری کے طریقے بتائے۔
لیڈ ٹرسٹ کے صدر اشرف علی نے بتایا: 'بیشتر طلبا میں عموماً انجنئیرنگ و میڈیکل میں پڑھائی کرنے کے رجھان ہوتے ہیں، جب ہم نے طلباء کے سامنے سول سروسز امتحانات کا موضوع پیش کیا تو ان میں نئے خواب جاگے جنہیں وہ اپنی محنت و مشقت سے حقیقت میں تبدیل کر قوم و ملک کی ترقی کرنے کے کوشاں ہوئے۔
سگما فاؤنڈیشن کے صدر آمین مدثر نے کہا کہ یہ ایک شروعات ہے اور وہ مزید اس طرح کے پروگرام کا انعقاد کریں گے، جس سے طلبا میں بیداری آئے۔
بنگلور کے ٹاؤں ہال میں منعقد اس پروگرام میں تقریبا ایک ہزار طلبا نے شرکت کی اور ماہرین تعلیم کے بیانات سے مستفیض ہوئے۔
