کورونا نے راشٹرپتی بھون میں بھی دستک دی

دہلی میں اب تک 2000 سے زائد افراد کورونا سے متاثر پائے گئے ہیں۔

ذرائع کے مطابق بھارتی دارالحکومت دہلی میں واقع راشٹرپتی بھون میں ایک شخص کے کورونا سے متاثر ہونے کے بعد 125 خاندانوں کو وزارت صحت کی ہدایات کی بنیاد پر بذات خود قرنطینہ میں جانے کا مشورہ دیا گیا ہے۔

دہلی میں اب تک 2000 سے زائد افراد کورونا سے متاثر پائے گئے ہیں۔

خاندانی بہبود اور وزارت صحت کے مطابق ملک بھر میں کورونا متاثرین کی تعداد 17 ہزار 656 ہو گئی ہے۔ ان میں سے 2 ہزار 842 افراد مکمل طور پر صحتیاب ہو چکے ہیں۔ اب تک 559 افراد ہلاک ہوئے ہیں۔