سپریم کورٹ این آر سی کی حتمی فہرست کے معاملے میں مرکزی اور آسام حکومت کی جانب سے دائر کی گئی عرضی پر اب 23 جولائی کو سماعت کرے گی۔
اس سے قبل 16 جولائی کو سپریم کورٹ نے مرکزی اور آسام حکومت کی جانب سے دائر کی گئی عرضی پر فوری سماعت سے انکار کر دیا تھا اور کہا تھا وہ اس پر غور و فکر کرے گا۔
مرکزی اور ریاستی حکومت نے سپریم کورٹ میں عرضی داخل کرکے این آر سی پروسیس کو پورا کرنے کی ڈیڈ لائن 31 جولائی میں توسیع کرنے کی گزارش کی تھی، لیکن سپریم کورٹ نے فوری سماعت سے انکار سے کر دیا۔
سپریم کورٹ کے حکم کے مطابق آسام کے لیے این آر سی پروسیس کو پورا کرنے کی ڈیڈ لائن 31 جولائی ہے اور اس میں کوئی تبدیلی نہیں ہوگی۔
اس کے قبل سپریم کورٹ نے ریاستی اور مرکزی حکومت، این آر سی کوآرڈینٹر اور الیکشن کمشن کو کو حکم دیا تھا کہ این آر سی کا پروسیس سست روی کا شکار نہ ہو۔
