امریکی صدر ڈونلڈ ٹرمپ اور وزیراعظم نریندرمودی احمدآباد آنے والے ہیں اور دنیا کے سب سے بڑے اسٹیڈیم یعنی سردار پٹیل اسٹیڈیم کا افتتاح کرنے والے ہیں۔
اس لیے موٹیرا اسٹیڈیم کے قریب چھوٹی چھوٹی جھونپڑیوں میں رہنے والے مزدوروں کو اپنے گھر خالی کرنے کا نوٹس احمدآباد میونسپل کارپوریشن نے جاری کر دیا ہے۔
اس جگہ چالیس جھونپڑیاں موجود ہیں جسے سات روز کے اندر خالی کرنے کا نوٹس دی گیا ہے۔
اس درمیان ان تمام کے مکان منہدم کر دیے جائیں گے، ایسے میں یہاں رہنے والے مزدوروں کا کہنا ہے کہ 'ہم اپنے مکان خالی کرکے کہاں جائیں گے؟، ہمیں کوئی دوسری جگہ مکان دیا جائے تو ہم اپنی جھونپڑی خالی کر سکتے ہیں۔
انہوں نے حکومت پر الزام لگاتے ہوئے کہا کہ 'حکومت سب کو مکان دینے کی بات کرتی ہے، غریبوں کو ان کا حق دینے کی بات کرتی ہے لیکن ہم سے ہمارا گھر چھین رہی ہے۔ ہم مزدوری کر کے اپنا اور اپنے بچوں کا پیٹ پالتے ہیں، ایسے غریبوں کا حق حکومت چھین رہی ہے۔'
ان لوگوں نے کہا کہ 'ہم اپنے گھر ہرگز خالی نہیں کریں گے، ہم مر جائیں گے لیکن یہاں سے نہیں ہٹیں گے۔'
