لوک سبھا میں صدر کے خطاب پر شکریہ کی تجویز پر بحث کی شروعات کرتے ہوئے بی جے پی کی رہنما لاکٹ چٹرجی نے کہا کہ 'وزیراعظم نریندر مودی کی حکومت نے کووڈ -19 وبا سے مقابلے میں آفات کو موقع میں بدلتے ہوئے خود انحصاری کا منتر دیا اور بہت کم وقت میں پی پی ای کٹ، ماسک، ہائیڈروکلورین سمیت کئی دواؤں کے معاملے میں ملک کو خود انحصار بنانے اور درآمداتی پس منظر کو برآمداتی بنانے کا کام کر کے دکھایا۔'
چٹرجی نے کہا کہ 'امریکہ جیسے ترقی یافتہ ملک نے لاک ڈاؤن نہیں کیا تو وہاں کیا حال ہوگیا۔ بھارت نے لاک ڈاؤن نافذ کرکے کورونا کو شکست دیا ہے۔'
انہوں نے مغربی بنگال کی مثال دیتے ہوئے الزام لگایا کہ اپوزیشن کے اقتدار والی ریاستوں میں مرکزی منصوبوں کے فنڈ اور منصوبوں کا نام بدل کر سیاسی فائدہ اٹھایا جارہا ہے۔
مزید پڑھیں: وزیراعظم مودی کی کسانوں سے تحریک واپس لینے کی اپیل
انہوں نے وزیراعظم کسان سمان نیدھی یوجنا، وزیراعظم شمر یوگی مان دھن یوجنا اور آیوشمان بھارت یوجنا کو مغربی بنگال میں نافذ نہ کئے جانے کا الزام لگاتے ہوئے کہا کہ ترنمول کانگریس کو سیاست کرنی ہے تو بی جے پی سے کرے، کسانوں اور غریبوں سے کیوں کررہی ہے۔
۔یواین آئی۔
