اسی ضمن میں چھتیس گڑھ کے دارالحکومت رائے پور کے رہنے والے، ادھیش ٹھاکر نے اپنے منفرد اسٹارٹ اپ کے ذریعے سنگل یوز پلاسٹک کا بڑا متبادل تیار کر لیا ہے، جو پلاسٹک کے استعمال کو روک کر 'نو پلاسٹک مشن' کا باعث بن سکتا ہے۔
ادھیش ٹھاکر اپنے اسٹارٹ اپ کے ذریعے پلاسٹک کی بوتلوں سے ٹی شرٹز تیار کرتے ہیں، اور ایک ٹی شرٹ تیار کرنے کے لیے 8 سے 10 استعمال شدہ بوتلوں کی ضرورت ہوتی ہے۔
خاص بات یہ ہے کہ ان تمام ٹی شرٹز کی آستینوں پر لکھا ہے کہ انہیں پانی کی بوتلوں سے تیار کیا گیا ہے۔
ادھیش ٹھاکر کا کہنا ہے کہ ان ٹی شرٹز کی تیاری کا کام بنیادی طور پر چینئی ، ایروڈ اور تریپور میں ہوتا ہے۔ پروڈکٹ کی تحقیق کے بعد انہوں نے مینوفیکچررز سے رابطہ کیا۔ بعد ازاں یہ پروڈکٹ رائے پور میونسپل کارپوریشن کو بھی پیش کیا گیا، جس کی بے حد تعریف کی گئی۔
واضح رہے کہ یہ ٹی شرٹز بالکل عام ٹی شرٹ کی طرح ہی ہوتے ہیں، جو مختلف رنگوں اور ڈیزائنوں میں تیار کی جاسکتی ہیں۔
