13 یومیہ مزدور جو ریاست پنجاب کے شہر امبالا سے آج 28 ویں دن پیدل چلتے ہوئے جب اترپردیش کے ضلع بہرائچ کے شیو پور کے تحت رام پور دھوبیا ہار گاؤں سے گذر رہے تھے، تو گاؤں والوں نے کورونا وبا کو دیکھتے ہوئے انہیں روکا۔
ضلع میں واقع کورونا کنٹرول روم کو فون کیا گیا لیکن 2 گھنٹے 20 منٹ انتظار کرنے کے بعد جب کوئی نہیں پہنچا تو وہ مسافر مجبوراً اپنے وطن بہار کی طرف روانہ ہوگئے، محکمہ صحت کی لاپروائی کی وجہ سے ضلع میں آنے والے لوگوں کی دیکھ بھال کا خیال نہیں رکھا جارہا ہے۔
حکومت نچلی سطح کے ملازمین کی لاپرواہی کا شکار ہوتی جارہی ہے، بہرائچ کے کورونا روم کی مانیٹرنگ ٹھیک سے نہیں ہورہی ہے۔کورونا وبا میں اس قسم کی لاپرواہی اس بات کا ثبوت ہے کہ ضلع انتظامیہ کس طرح سست روی کا مظاہرہ کررہا ہے۔ صوبہ پنچاب کے امبالا شہر سے چل کر بہار جانے والے مزدور جب بہرائچ پہنچے، اور انہیں صحت محکمہ کی سست روی سے بلا چیکنگ کے ہی وہ اپنے وطن کی طرف روانہ ہوگئے۔
اس دوران ان لوگوں نے یہ بھی بتایا کہ ہماری راستے بھر میں کہیں بھی جانچ نہیں ہوئی ہے، راستے میں پولیس والوں نے یہ کہتے ہوئے آگے کی طرف طرف روانہ کردیا کہ بہار پہنچنے کے بعد اپنی جانچ کرا لینا۔ اس سے یہ صاف ظاہر ہورہا ہے کہ حکومت کی طرف سے جاری کی گئی ہدایات کی کس طرح دھجیاں اڑائی جارہی ہیں۔
یہ مزدور راستہ میں کہیں نا لوگوں کی صحبت میں بھی آتے ہونگے اور اگر ان میں ایک بھی مزدور کورونا وائرس سے مثبت ہوا تو اس کا اندازہ لگاۓ کہ اس کا نتیجہ کتنا خطرناک ہو سکتا ہے۔
