نتن گڈکری نے توانائی، ماحولیات اورآبی کونسل کے ایک پروگرام میں بذریعہ ویڈیو خطاب کرتے ہوئے کہا کہ بھارت نے کورونا وبا کے بحران سے نکلنے کی منصوبہ کی تیاری کرلی ہے۔ مقامی سطح پر روزگار پیدا کرنے، ترقی اوراستحکام اس کی بنیاد ہیں۔ حکومت کی پالیسیوں، پروگرام اور منصوبوں کے سلسلے میں مرکز میں یہ تینوں عناصر موجود ہیں۔
مرکزی وزیر نے اس موقع پر روزگار، ڈیولپمنٹ اور استحکام پر ایک رپورٹ بھی جاری کی۔ اس موقع پر معروف صنعت کاروں جمشید گودریج، ڈاکٹر انل کاکوڈکر اور ڈاکٹر نوشادفاربس بھی موجود تھے۔
نتن گڈکری نے کہا کہ صنعتوں کو زراعت، دیہی وسائل اور آدی واسی علاقوں پر دھیان دینا چاہئے، معیشت کی ترقی کے لئے یہ شعبہ اہم ہیں۔ ان شعبوں پر توجہ دینےسے روزگار کے مواقع پیدا کئے جاسکتے ہیں اور شہروں میں بھیڑ بھاڑ میں کمی کی جاسکتی ہے۔ دیہی علاقوں میں وسیع امکانات موجود ہیں۔
