نیتی آیوگ کے ذریعہ آج یہاں جاری بیان میں کہا گیا ہے کہ کورونا وبا کے خلاف ملک گیر کوششوں میں تعاون کرتے ہوئے اس کے وائس چیئرمین اور ممبران اوروزیر اعظم کے اقتصادی مشاورتی کونسل کے چیئرمین ایک سال تک اپنی تنخواہ کا 30 فیصد حصہ نہیں لیں گے اور یہ رقم اس وبا سے نمٹنے کی کوششوں کو مضبوط کرنے کے لئے تشکیل کردہ وزیر اعظم کیئرس فنڈ میں جمع کرائی جائے گی۔
اس سے قبل مرکزی کابینہ نے فیصلہ کیا تھا کہ وزیر اعظم سمیت تمام ممبران پارلیمنٹ کی تنخواہ میں ایک سال تک 30 فیصد کی کمی کر کے یہ رقم اس فنڈ میں جمع کرائی جائے گی۔
اس کے بعد، صدر، نائب صدر اور گورنرز نے بھی اپنی تنخواہ میں ایک سال تک 30 فیصد کی کمی کرنے کا فیصلہ کیا تھا۔ حال ہی میں چیف الیکشن کمشنر اور الیکشن کمشنرز نے بھی ایسا ہی فیصلہ کیا تھا۔
