امریکہ کی معروف میگزین ٹاؤن اینڈ کنٹری کی 2020 کی اس فہرست میں نیتا امبانی واحد بھارتی سماجی خدمت گار ہیں۔ نیتا امبانی کو لاک ڈاون کے دوران معاشرہ کے مختلف طبقات کے لئے ان کی راحتی کوششوں، غریبوں کو کھانا اور ملک کے پہلے کووڈ۔19 اسپتال جیسی سماجی خدمات کے لئے فہرست میں جگہ دی گئی ہے۔
ٹم کک، اوپرا ونفرے، لارین پاویل جابس، لاڈر فیملی، ڈونا ٹیلہ ورساچے اور مائکل بلومبرگ جیسے اہم نام بھی اس فہرست میں شامل ہیں۔
نیتا امبانی اور فاؤنڈیشن کے کوششوں کا اعتراف کرتے ہوئے میگزین نے کہا کہ ریلائنس فاؤنڈیش۔ریلائنس انڈسٹریز کا سماجی خدمت گار ادارہ ہے، جسے نیتا امبانی نے قائم کیا تھا اور وہ اس کی چیئرپرسن ہیں۔
ادارہ نے کورونا کے اس نہایت چیلنجنگ دور میں فرنٹ لائن پر لاکھوں مزدوروں اور غربا کو کھانا اور ماسک تقسیم کئے، بھارت کا کووڈ۔19مریضوں کے لئے پہلا اسپتال قائم کیا اور ہنگامی راحت فنڈوں میں سات کروڑ 20لاک ڈالر کا عطیہ کیا۔
فہرست میں شامل کئے جانے کے موقع پر ریلائنس فاونڈیشن کی چیئرپرسن نیتا امبانی نے کہا کہ بحران کے وقت راحت کے لئے وسائل کے ساتھ ہمدردانہ رویہ کی بھی بہت ضرورت ہوتی ہے۔ گزشتہ کچھ برسوں میں ہم نے بحران کے وقت اپنی کوششوں کو موثر بنانے کیلئے فاؤنڈیشن اور ریلائنس انڈسٹریز میں کثیر جہتی اور منظم عمل کو اختیار کرتے ہوئے خود کو تیار کیا ہے۔
ہم خوش اور شائستہ ہیں کہ عالمی سطح پر ہماری اس پہل کو تسلیم کیا جارہا ہے، جب بھی ضرورت ہو ہم اپنی تنظیم، حکومت اور معاشرے کی مدد کے لئے پرعزم رہیں گے۔
نیتا امبانی کی قیادت میں ریلائنس فاؤنڈیشن نے ممبئی میں مقامی حکام کے ساتھ مارچ کے پہلے مہینے میں ہی دو ہفتہ سے بھی کم وقت میں 100بیڈ کا کووڈ۔19اسپتال بنانے کا کام کیا۔ اپریل میں بیڈ کی تعداد بڑھا کر 220کردی گئی۔
ریلائنس فاونڈیشن نے 'انا سیوا' نامی ایک ملک گیر فوڈ سروس شرو ع کی، جس میں اب تک تقریباً پانچ کروڑ لوگوں کو کھانا دستیاب کرایا گیا ہے۔
ریلائنس فاؤنڈیشن نے اپنی کثیر جتہی کوششوں کو جاری رکھتے ہوئے آن لائن طبی مدد، ممبئی میں کووڈ مریضوں کے لئے گھر میں کورینٹائن کی سہولت، دیہی طبقات کو مدد اور پورے ملک میں پالتو / آوارہ جانوروں کے لئے ہیلتھ سروس شامل ہے۔
ریلائنس انڈسٹریز نے ماسک اور پی پی ای کٹس کی تیاری کی بھی شروعات کی اور وبا کے خلاف لڑائی میں ان اہم اشیا کی تیاری میں ملک کو خودانحصار بنانے میں تعاون کیا۔
