اکیسویں صدی میں صنعتی انقلاب کے باوجود زراعت کی اہمیت اپنی جگہ برقرار ہے۔ زراعتی پیداوار میں نئی کھادوں اور ٹیکنالوجی سے لیس ذرائع کا استعمال پھلوں اور ترکاریوں کی مقدار بڑھانے میں مددگار ثابت ہورہا ہے۔
کئی برسوں سے کاشتکاری میں نقصان اٹھا رہے راماشرے موریہ کے لیے کیلے کی فصل فائدہ مند ثابت ہو رہی ہے۔ ایک ایکڑ رقبے پر مشتمل کیلے کے کھیت میں بھرپور پھل پیدا ہوئے ہیں۔
مزید پڑھیں : بھارت کی صنعتی پیداوار میں دو فیصد کی کمی
راماشرے موریہ نے بتایا کہ دھان اور گیہوں کے مقابلے کیلے کی کاشت سے تقریباً پانچ گنا زیادہ منافع ہوتا ہے۔ خاص بات یہ ہے کہ کیلے کا گچھا جسے گھار کہا جاتا ہے، وہ وزن کر کے فروخت ہو تا ہے۔
راماشرے کی کامیابی سے حوصلہ پا کر دیگر کاشتکار بھی کیلے کی کاشت میں دلچسپی دکھا رہے ہیں۔
حالانکہ آوارہ جانوروں سے اس کاشت کو بھی خطرہ لاحق ہے۔
واضح رہے کہ نقد فصل یا منافع کی فصل ایک زرعی فصل ہے؛ جس کو درمیانی افراد فروخت کرنے کے لئے کاشت کاری کرتے ہیں۔ یہ عام طور پر کسی فارم سے الگ پارٹیوں کے ذریعہ خریدی جاتی ہے۔ اس اصطلاح کا استعمال بازاروں میں رکھی ہوئی عام فصلوں کو زائد منافع کی فصلوں سے الگ کرنے کے لئے کیا جاتا ہے -
