نئی تعلیمی پالیسی کا مسودہ تیار کرنے کے لیے معروف خلائی سائنس داں کے کستوری رنگن کی صدارت میں تشکیل دی گئی کمیٹی نے فروغ انسانی وسائل کے نئے وزیررامیشور پوکھریال نشنک کو اپنی رپورٹ پیش کی۔
ڈاکٹر کستوری رنگن نے مسٹر نشنک کے حلف لینے کے بعد انکے دفتر میں یہ رپورٹ پیش کی۔
اس موقع پر فروغ انسانی وسائل کے وزیر مملکت سنجے شام راؤ دھترے کے علاوہ اعلی تعلیم کے سکریٹری سبرامنین اور اسکولی تعلیم کی سکریٹری رینا رے بھی موجود تھیں۔
رپورٹ میں قومی تعلیمی کمیشن اور نیشنل ریسرچ فاؤنڈیشن تشکیل دینے کی تجویز ہے۔ اس کے علاوہ انڈین انسٹی ٹیوٹ آف ٹرانسلیشن اور کلاسیکی زبانوں کے فروغ کے لیے بھی ایک ادارہ قائم کرنے کی سفارش کی گئی ہے۔
واضح رہے کہ 2014 میں مودی حکومت نے نئی تعلیمی پالیسی بنانے کا اعلان کیاتھا لیکن پانچ سال میں وہ اسے تیار نہیں کرسکی ۔کابینہ کے سابق سکریٹری ٹی ایس آر سبرامنین کی کمیٹی نے ایک تجویز پیش کی تھی لیکن حکومت سے اختلاف ہونے کے بعد کستوری رنگن کمیٹی تشکیل دی گئی تھی۔
