ریاست اتر پردیش کے ضلع سہارنپور کے نکوڑ تھانہ علاقے میں واقع بجلی محکمہ میں وکاس جزوی طور پر ملازم تھا اور شٹ ڈاؤن لے کر بجلی کا کام کررہا تھا، بغیر اطلاع دیئے بجلی سپلائی شروع کرنے کی وجہ سے وکاس کو کرنٹ لگا اور وہ دونوں ہاتھ سے معذور ہو گیے۔کرنٹ لگنے کے سبب وکاس کے پیر بھی زخمی ہوئے ہیں۔
انصاف کے طلبگار وکاس نے ایس ایس پی سہارنپور سے ملاقات کی اور ان غفلت برتنے والے ملازمین پر کارروائی کا مطالبہ کیا۔ نوجوان نے مزید یہ بھی کہاکہ'وہ گذشتہ ایک ماہ سے افسران کے چکر لگا رہا ہے مگر کہیں بھی کوئی اس کی فریاد کو سننے والا نہیں ہے اور لاپر واہی برتنے والے پر محکمہ کی جانب سے بھی کوئی کارروائی نہیں کی گئی ہے۔وکاس نے محکمہ سے مطالبہ کیا ہے کہ اسے معاوضہ دیا جائے۔
مزید پڑھیں:
لکھنؤ: سلینڈر پھٹنے سے ایک کی موت، تین زخمی
محکمہ کی لاپرواہی کے سبب وکاس اپنے دونوں ہاتھوں سے معذور ہوچکا ہے۔ مگر اب تک متاثرہ کوکسی طرح کا کوئی تعاون نہیں ملا اور نہ ہی اسے انصاف ملا ہے۔
