سابقہ مرکزی وزیر سی ایم ابراہیم نے ریاست کرناٹک کے رانی بنور شہر میں سی اے اے کے خلاف ایک احتجاجی اجلاس سے خطاب کر تے ہوے کہاہے کہ 'ملک میں مرکزی حکومت کی جانب سے مسلمانوں کو الگ الگ طریقے سے نشانہ بنایا جارہا ہے۔ آج ملک میں سی اے اے کو جاری کر کے مسلمان طبقے کو ہی نشانہ بنایا گیا ہے'۔
سی ایم ابراہیم نے کہا کہ 'اس لئے اس کے ملک مسلمان اپنے آپسی اختلاف کو ختم کرکے متحد ہوں'۔
انھوں نے کہا کہ 'نوجوان اس ملک کا مستقبل ہے۔ اس لئے نوجوان فضول کاموں کو چھوڑ کر کے اپنے ذمہ داری کو سمجھنے کی کوشش کر یں'۔
مزید پڑھیں: ممبئی: سی اے اے اور این آر سی کے خلاف خواتین کا احتجاج
سی ایم ابراہیم نے کہا کہ 'ملک کے مسلمانوں میں سی اے اے کے متعلق خوف کا ماحول پیدا کیاجارہا ہے۔ ملک کے مسلمان خوف زدہ ہونے کی ضرورت نہیں۔ مسلمان اپنے اپنے مسالک کے اختلافات کو چھوڑ کر اتحاد ہوں۔ ملک کے دستور ہند کو بچانے کی ضرورت ہے۔ اس ملک کے مٹی میں ہمارے علما اور بزرگوں کا خون شامل ہے۔ اس لئے تمام مسلمان اپنے حقوق کے لئے آواز بلند کر نے کی ضرورت ہے'۔
