سری لنکا میں کرفیو نافذ

سری لنکا حکومت نے تیزی سے پھیلتے ہوئے کورونا وائرس وبائی مرض سے نمٹنے کے لئے جمعہ سے پیر تک ملک گیر سطح پر کرفیو نافذ کردیا ہے۔ تاحال عالمی سطح پر کورونا وائرس سے نو ہزار سے زائد افراد کی جانیں چلی گئیں ہیں۔

سری لنکا الیکشن کمیشن نے پارلیمانی انتخابات ملتوی کرنے کے اعلان کے ایک دن بعد کرفیو کا اعلان کیا۔

واضح رہے کہ 25 اپریل کو سری لنکا میں انتخابات طئے تھے۔ جس کے بعد انتخابی کمیشن نے کہا کہ نئی تاریخ کے بارے میں 25 مارچ کے بعد فیصلہ لیا جائے گا۔

اگرچہ کرفیوں کے اعلان کی کوئی وجوہات نہیں بتائی گئیں، لیکن یہ خیال کیا جاتا ہے کہ حکومت کورونا وائرس کے پھیلنے والے خطرے کے پیش نظر معاشرتی فاصلے کو فروغ دینے کے لئے لوگوں کو محدود نقل و حرکت کی ہدایات جاری کی ہے۔

کوویڈ 19 میں ہونے والے انفیکشن کی روک تھام کے لئے کام کرنے والے قومی مرکز نے بتایا کہ 'اب تک تصدیق شدہ 66 واقعات میں سے 25 بیرون ملک مقیم واپس آئے تھے'۔

صدر راج پاکسا نے غریبوں کے لئے معاشی مشکلات کا حوالہ دیتے ہوئے پورے ملک میں لاک ڈاؤن کرنے سے انکار کردیا ہے۔

ایسا لگتا ہے کہ جنوبی ایشیاء کو پوری دنیا کی نسبتا کم سنگینی کا سامنا ہوا ہے لیکن پاکستان، بھارت اور سری لنکا میں نئے انفیکشن کی شرح میں تیزی آرہی ہے جس کی وجہ سے جنوبی ایشیا میں مجموعی طور پر کئی افراد کی موت ہوچکی ہے۔