نائب صدر جمہوریہ ایم وینکیا نائیڈو نے شہید اشفاق اللہ خان کے یوم پیدائش پر انہیں خراج عقیدت پیش کرتے ہوئے کہا ہے کہ ملک ہمیشہ ان کا قرض دار رہے گا۔
نائیڈو نے جمعرات کو ایک پیغام میں کہا ہے کہ اشفاق اللہ خان کی نظمیں اور نغمے نوجوانوں کے لیے باعث تحریک رہے ہیں۔
نائب صدر نے کہا کہ 'امر شہید اشفاق اللہ خان کے یوم پیدائش پر انقلابی شاعر کو خراج عقیدت پیش کرتا ہوں، ان کی ہمت اور حب الوطنی سے پُر نظموں نے نوجوانوں کو برطانوی اقتدار کے خلاف بغاوت کے لیے تحریک دی اور ملک میں اتحاد اور بھائی چارے کا جذبہ جگایا، ان کی قربانی کے لیے ملک ہمیشہ ان کا قرض دار رہےگا۔'
