یہ ہر سال مشہور شاعر علامہ اقبال کی سالگرہ اور یوم اردو کے موقع پر منایا جاتا ہے۔
رواں برس 9 نومبر کو سپریم کورٹ نے بابری مسجد کیس سے متعلق فیصلہ سنایا تھا جس کی وجہ سے یہ پروگرام 9 نومبر کی بجائے 9 دسمبر کو بنایا گیا۔
پروگرام میں اسکول کے بچوں کی ایک بڑی تعداد نے بھی شرکت کی، اس پروگرام کا عنوان اردو زبان اور رسم الخت کے تحفظ کے لئے تھا۔
اس پروگرام میں حافظ محمد عثمان (سابق انفارمیشن کمشنر اترپردیش)، ڈاکٹر مشتاق صدف (اسسٹنٹ پروفیسر اردو اکیڈمی اے ایم یو علی گڑھ)، عبدالماجد نظامی تشریف (ایڈیٹر ، ڈیلی ہندی نیوز دہلی) نے بطور مہمان خصوصی شرکت کی۔
مزید پڑھیں : نوبیل انعام یافتہ مسلمان تصاویر کے آئینے میں
پروگرام میں اردو کے بڑے ادیب اور مشہور افسانہ نگار منشی پریم چند کی زندگی پر ایک کتاب بھی شائع کی گئی۔
ضلع مظفر نگر کے ہائی اسکول انٹرمیڈیٹ اردو مضمون میں اعلی نشانات لانے پر انعامات سے بھی نوازا گیا، پروگرام میں اسکول کے بچوں کے ساتھ ساتھ معززین کی ایک بڑی تعداد نے بھی شرکت کی۔
