ممبئی کرائم برانچ نے اندریش کمار اور ارشاد صدیقی نامی دو افراد کو بجلی کے الیکٹرانک میٹر میں غیر قانونی طور سے چھیڑ چھاڑ کرنے کے الزام میں گرفتار کیا ہے۔
یہ دونوں افراد لائٹ بل کم کرنے کے لیے میٹر سے چھیڑ چھاڑ کرتے تھے جس کی وجہ سے زیادی استعمال کے باوجود بھی میٹر کی یونٹ کم ہو جاتی تھی اور میٹر کا بل بہت کم آتا تھا۔
لیکن اس کی اطلاع جیسے ہی ممبئی کرائم برانچ کو ہوئی انہوں نے تفتیش جاری کر دی اور فرضی گراہک بن کر ملزمین کے پاس پہنچ گئے۔
تفتیش میں پتہ چلا کہ اس میٹر کے اندر ایک ایسا سرکٹ نصب کیا جاتا تھا جسے بیرونی طور پر ایک ریموٹ کے ذریعے کنٹرول کیا جاتا ہے اور یہی ریموٹ میٹر کی یونٹ کو کنٹرول کرتا تھا اور اس دوران بجلی کتنی بھی استعمال کی جائے بجلی بل غیر معمولی طور پر کم ہی آتا تھا۔
کرائم برانچ نے ان کے پاس سے ایسے کئی ریموٹ بھی برآمد کیے ہیں اور ساتھ ہی نصب شدہ سرکٹ والے میٹر بھی ضبط کیے ہیں۔
ملزمین ایک میٹر میں سرکٹ نصب کرنے کے عوض اپنے گراہک سے دس ہزار روپے وصولا کرتے تھے۔
حیرانی کی بعد یہ ہے کہ اسکی جانکاری بجلی محکمہ کو بھی نہیں تھی، فلحال کرائم برانچ اس بات کی تفتیش کررہی ہے کہ ممبئی جیسے شہر میں اس غیر قانونی کام میں اور کون کون سے لوگ شامل ہیں۔
