'ریلائنس ساڑھے تین مہینے قبل ہی قرض سے آزاد ہوگیا'

ملک کے سب سے دولت مند اور ریلائنس انڈسٹریز لمیٹڈ (آر آئی ایل) کے مالک مکیش امبانی نے اس گروپ کو مکمل طور پر قرض سے پاک ہونے کا اعلان کیا ہے۔

جمعہ کے روز امبانی نے آر آئی ایل کو قرض سے مکمل طور پر آزاد ہونے کا باضابطہ اعلان کرتے ہوئے کہا کہ گروپ میں سرمایہ کاروں کے ذریعہ حاصل اعتماد اور ریلائنس کے رائٹ ایشو کو ملنے والی زوردار حمایت سے ساڑھے نو ماہ قبل اس ہدف کو حاصل کرنے میں کامیابی مل گئی۔

ریلائنس مقررہ ہدف سے ساڑھے تین مہینے قبل قرض سے آزاد ہوا:مکیش امبانی

مکیش امبانی نے 12 اگست 2019 کو مارچ 2021 تک آر آئی ایل کو قرض سے آزاد کرنے کا ہدف مقرر کیا تھا اور رواں سال 31 مارچ تک اس گروپ پر ایک لاکھ 61 ہزار 35 کروڑ روپے کا قرض تھا۔ کمپنی نے صرف 58 دن میں مجموعی طور پر ایک لاکھ 68 ہزار 818 کروڑ روپئے اکٹھے کئے جو دس سرمایہ کاروں کی گیارہ تجاویز اور رائٹ ایشو سے کورونا وائرس کی وبا کی وجہ سے لاک ڈاؤن کے باوجود اس کے خالص قرض سے زیادہ ہے۔