'اخیر عشرے میں اعتکاف سنت ہے'

ریاست کرناٹک کے بیدر میں ایک خطبے کے دوران مولانا نظام الدین برکاتی صاحب نے اخیر عشرے میں اعتکاف کی اہمیت و افادیت پر روشنی ڈالی۔

بیدر میں مولانا نظام الدین برکاتی صاحب نے ای ٹی وی بھارت سے بات کرتے ہوئے کہا کہ اعتکاف کی بنیادی طور پر تین قسمیں ہیں نفل اعتکاف سنت اعتکاف واجب اعتکاف۔

مولانا نے مزید کہا کہ اعتکاف کا مسنون طریقہ یہ ہے کہ 20 رمضان المبارک کو غروب آفتاب سے پہلے مسجد میں داخل ہوجائیں اور روزہ نماز اور عبادت میں دس دن 30 رمضان تک اس عمل کو جاری رکھیں۔

مولانا نظام الدین برکاتی نے نوجوانوں سے اپیل کرتے ہوئے کہا کہ اعتکاف کی نیت کریں کیونکہ اعتکاف میں ایک مسلمان دنیا کی تمام تر برائیوں سے دور رہتا ہے اور صرف اللہ کی عبادت میں مصروف رہتا ہے جس کی وجہ سے اللہ تعالی اپنے بندے کی تمام برائیوں کو معاف کرتا ہے۔