وزارت خارجہ نے بتایا کہ دونوں رہنماؤں نے باہم مفادات کے عالمی، علاقائی اور دو طرفہ امور پر بھی تبادلہ خیال کیا، جن میں کووڈ-19 کے ٹیکوں کی قوت خرید اور حصول پذیری، کووڈ کے بعد معاشی بازیابی، ہند۔ بحر الکاہل خطے میں باہمی تعاون، سمندری تحفظ، دفاعی تعاون، ڈیجیٹل معیشت اور سائبر سکیورٹی، کثیر فریقیت کو تقویت دینا اور موسمیاتی تبدیلی و حیاتیاتی تنوع شامل ہیں۔
یہ بھی پڑھیں:
افغانستان میں 16 طالبان دہشتگرد ہلاک
دونوں رہنماؤں نے اُس گہرائی اور مضبوطی پر اطمینان کا اظہار کیا جو حالیہ برسوں میں بھارت فرانس اسٹریٹیجک شراکت داری کو حاصل ہوئی ہے۔ دونوں نے کووڈ کے بعد کے دور میں ایک دوسرے کے ساتھ مل جل کر کام کرتے رہنے پر اتفاق کیا۔
وزیر اعظم نے عوامی صحت کی صورت حال کے معمول پر لوٹ آنے کے بعد بھارت میں صدر میکرون کے خیرمقدم کے تئیں اپنی خواہش کا اظہار کیا۔
