کانگریس کے ترجمان ابھیشیک منو سنگھوی نے پریس کانفرنس میں کہا کہ وزیراعظم نریندر مودی منریگا اسکیم کو ختم کرنے کی کوشش میں تھے لیکن جلد ہی غریبوں کے لیے اس اسکیم کی اہمیت سمجھ کر انہوں نے اسے ختم کرنے کا ارادہ چھوڑ دیا اور کورونا کے دور میں منریگا غریبوں کے لیے سنجیونی بنی اور حکومت نے اس کے بجٹ میں اضافہ کیا۔
انہوں نے کہا کہ اب حکومت کو بتانا چاہئے کہ کورونا کے دور میں کتنے لوگوں کو منریگا سے فائدہ ہوا۔ اس بارے میں حکومت کو اعدادو شمار دستیاب کرانے چاہیے تاکہ پتہ چلے کہ گھر واپس آئے کتنے لوگوں کو فائدہ ملا ہے۔
انہوں نے کہا کہ منریگا میں خواتین کے لیے التزام ہے جس کا مقصد دیہی خواتین کو اقتصادی طور پر خوشحال بنانا تھا اور اسے دیکھنے کے لیے اس کا سوشل آڈٹ ہونا چاہئے۔
