مدھیہ پردیش سیاسی بحران: ریاستی وزیر گروگرام پہنچے

کانگریس پارٹی کے آٹھ اراکین اسمبلی کے ہریانہ کے پانچ ستارہ ہوٹل میں ہونے کی بات سامنے آنے کے بعد کمل ناتھ حکومت میں وزیر جیتو پٹواری خود مدھیہ پردیش سے گروگرام کے اسی فائیو اسٹار ہوٹل پہنچے جہاں بی جے پی پر کانگریس کے آٹھ اراکین اسمبلی کو یرغمال بنانے کا الزام لگایا جا رہا تھا۔

مدھیہ پردیش کے ریاستی وزیر جیتو پٹواری نے گروگرام پہنچنے کے بعد کہا کہ حالات قابو میں ہیں، لیکن انہوں نے زیادہ کچھ کہنے سے انکار کر دیا ۔

جیتو پٹواری نے مزید کچھ بتانے سے انکار کرتے ہوئے مزید کہا کہ ریاست کے حالات اب قابو میں ہیں، آج پریس کانفرنس کر کے اس معاملے میں پوری تفصیلات فراہم کی جائے گی۔