آندھراپردیش کے ضلع نیلور کے رکن اسمبلی کومٹ ریڈی سری دھر ریڈی کو پولیس نے وینکٹ چلم علاقہ کی خاتون منڈل پریشد ڈیولپمنٹ آفیسرکودھمکی دینے کے الزام میں گرفتار کیا ہے۔
رکن اسمبلی نے گولاگاموڈی گاؤں کے لے آؤٹ کے لئے پانی کا کنکشن فراہم نہ کرنے پر اپنے حامیوں کے ساتھ ایم پی ڈی او سرلا کو دھمکایا تھا۔ ایم پی ڈی او نے پولیس سے شکایت میں کہا تھا کہ رکن اسمبلی نے ان کے مکان پہنچ کر ان کو دھمکی دی تھی اور ان کو بینادی سہولیات جیسے پانی، بجلی سے محروم کردیاتھا۔
پولیس نے رکن اسمبلی کے خلاف معاملہ درج کیا تھا اور ان کو اتوار کی صبح گرفتار کرلیاگیا۔ وزیراعلیٰ وائی ایس جگن موہن ریڈی نے بھی اس معاملہ کو سنگین قرار دیا اور بتایاجاتا ہے کہ پولیس کو ہدایت دی کہ وہ حقائق کی بنیاد پر کارروائی کرے۔گنٹور پولیس کی ایک ٹیم نے رکن اسمبلی کو گرفتار کرلیا۔
