ریاست اترپردیش کے ضلع بارہ بنکی میں خواتین کی با اختیاری کے لئے شروع کئے گئے مشن شکتی کے تحت مدارس کے طلبا کو بھی بیدار کیا جا رہا ہے۔
مدارس میں خصوصی پروگرام منعقد کر کے وہاں کے طلبا کو خواتین حقوق کے ساتھ ان کے تحفظ اور ان کے بہبود کے لئے چل رہیں حکومتی اسکیمات کے تئیں بیدار کیا جا رہا ہے۔
بنکی قصبہ واقع مدرسہ عربیہ حنیف العلوم میں مشن شکتی کے تحت مختلف پروگرامز کا انعقاد کیا گیا۔
اس ضمن میں مدارس کے اساتذہ نے وہاں موجود طلبا کو ان کے حقوق بتائے اور ان کے تحفظ کے لئے شروع کی گئیں تمام ہیلپ لائن کے بارے میں تفصیل سے بتایا۔
طلبا کو ان تمام اسکیمات سے متعلق جانکاری فراہم کی گئیں جو حکومت نے خواتین بہبود کے لئے شروع کی ہیں۔
اس دوران طلبا کو کووڈ-19 کے اس دور میں کن کن احتیاط کے ساتھ رہنا ہے؟ اس سے متعلق بھی تفصیل سے بتایا گیا۔
مزید پڑھیں: وزیراعظم نے 3 شہروں کا دورہ کرکے کورونا ویکسین کی تیاریوں کا جائزہ لیا
اس موقع پر پینٹنگ مقابلے کا بھی انعقاد کیا گیا۔ جس میں طلبا نے دلکش پینٹنگ کے ذریعہ اپنی بیداری کا ثبوت پیش کیا. پینٹنگ مقابلے کے فاتحین کو اعزاز سے بھی سرفراز کیا گیا۔ پروگرامز میں شامل ہوئیں طلبا کافی بیدار نظر آئیں۔ وہیں مدرسہ منتظمین نے بھی اس مہم کو شروع کرنے کے لئے حکومت کی کافی ستائش کی۔
