اس سلسلہ میں بنگلور کے رام نگر کے نیو ویژن کوچنگ سینٹر کی جانب سے آج ایک مفت ورکشاپ کا اہتمام کیا گیا جو ان طلباء کے لیے رہا جو پی ایس آئی، کے اے ایس، آر بی آئی ، بینکنگ و اسی طرح کے دیگر مسابقتی امتحانات میں حصہ لینے کے خواہشمند امیدواروں کے لیے مخصوص ہے۔
نیو وژن این. جی. آو کے ذمہ داران نے نامہ نگاروں کو بتایا کہ اس طرح کے ورکشاپز کا اہم مقصد یہ ہے کہ ہم مسابقتی امتحانات کے متعلق دیہی علاقوں میں بسنے والے غریب طلباء کو بیدار کریں اور انھیں حوصلہ دیں کہ وہ بھی ان امتحانات میں حصہ لیں اور کامیاب ہو کر اعلیٰ عہدوں پر فائز ہوکر قوم و ملک کی خدمت کرسکیں۔
اس موقع پر مسابقتی امتحانات میں کامیاب امیدواروں نے اپنے خطاب میں کہا کہ عموماً طلباء میں ان مسابقتی امتحانات کو لیکر احساس کمتری ہوتی ہے اور ساتھ ہی ڈر بھی ہوتا ہے کہ شاید وہ ان امتحانات کے لئے نامناسب ہیں۔ طلباء کو چاہیے کہ وہ ایسی منفی سوچ کو دماغ سے نکال دیں۔
انہوں نے کہا کہ ہر شخص میں بیشمار صلاحیتیں چھپی ہوتی ہیں اپنے آپ میں خود اعتمادی پیدا کریں اور بلا جھجک آگے بڑھکر مسابقتی امتحانات میں داخلہ لیں۔
نیو وژن کوچنگ سینٹر اس طرح کے ورکشاپس ہر سال منعقد کرتا ہے۔ تا کہ طلباء میں مسابقتی امتحانات کے متعلق نہ صرف بیداری آئے بلکہ وہ ان میں دلچسپی لیں اور اپنے کیریئر کو آگے بڑھائیں۔ ادارے کہ جانب سے یہ ورکشاپس بلکل مفت رہتی ہیں۔
