مرکزی وزیر داخلہ امت شاہ کی جانب سے پارلیمنٹ میں پیش کئے گئے بل کو منظوری ملنے نیز قانون بن جانے کے بعد پورے ملک اقلیتوں کی جانب سے زبردست احتجاج جاری ہے اور یہ احتجاج آہستہ آہستہ شدت اختیار کرتا جا رہا ہے۔
اس معاملے میں وزارت داخلہ کی جانب سے کہا گیا کہ ' اس ایکٹ کا نفاذ مرکز کی جانب سےہوا ہے اور بہت جلد اسے حتمی شکل دی جائے کہ اس قانون سے کسی بھی شخص کو کوئی پریشانی نہیں ہوگی اور اسے ڈیجیٹل کیا جائے گا تا کہ شہریوں کو مسائل کا سامنا نا کرنا پڑے۔
وزارت داخلہ کی جانب سے مزید کہا گیا کہ 'اس قانون کو لانے کے لیے ہم نے پہلے ہی سب سے بات چیت اور صلاح و مشورے کئے تھے لیکن جنہیں اس قانون سے اعتراض ہے انہیں عدالت میں جانے نیز احتجاج کرنے کا حق ہے، اور جو بھی اس قانون کے تعلق سے کسی بھی قسم مشورہ دینا چاہے دے سکتا ہے۔
