قبل ازیں جسٹس ارون مشرا کی سربراہی میں بنچ نے حکم دیا تھا کہ امتحانات ملتوی نہیں کیے جاسکتے کیونکہ ایک سال کا نقصان طلباء کے لئے خطرے کا باعث بنے گا اور چونکہ اگلے سال بھی یہ کووڈ متوقع ہے لہذا تعلیم کو طلبہ کو ہونے والے نقصانات سے بچنے کے ساتھ ہی آگے چلنا ہوگا۔
غیر بی جے پی حکومت والی ریاستوں کے وزراء نے امتحانات کو چھ سے آٹھ ہفتوں تک ملتوی کرنے کا مطالبہ کیا ہے، تاکہ مرکزی حکومت طلباء کے لئے محفوظ طریقے سے امتحانی مرکز تک پہنچنے کے لئے مناسب اقدمات، خصوصی بسوں، ٹرینوں اور پروازوں کی فراہمی کر سکے۔ انھوں نے ہر ضلع میں ایک امتحانی مرکز رکھنے کی اپیل کی، تاکہ طلبا کو دیگر ریاستوں کو جانا نہ پڑے اور کورونا معاملات میں اضافے سے نمٹنے کے لئے عائد پابندیوں کے درمیان سفر نہ کرنا پڑے اور اس سے معاشرتی دوری کو برقرار رکھنا بھی آسان ہوجائے گا۔
"یہ منحرف آرڈر اس بات کی صراحت کرنے میں ناکام رہا ہے کہ لاجسٹک کا سوال حفاظت کے پہلو سے جڑا ہوا ہے اور اسے الگ سے نہیں دیکھا جاسکتا۔ NEET / JEE امتحانات دینے والے امیدواروں کی ایک بڑی تعداد غیر میٹرو ، نیم شہری ، ٹائیر 2 ، ٹائیر 3 اور دیہی علاقوں سے ہے ۔اس طرح کے امیدواروں کو فطری نقصانات خدشہ ہے۔ وہ غیر محفوظ طریقے سے نقل و حمل کا سہارا لے کر امتحانات کے مرکز تک اپنا سفر مکمل کرنے پر مجبور ہوسکتے ہیں۔ اور اس طرح وہ اپنے آپ کو اور باقی سب کو کووڈ 19 سے متاثر کرسکتے ہیں۔
وزراء نے اس سے متعقہ کچھ مسائل پر روشنی ڈالتے ہوئے کہا کہ وائرس سے متاثر ہونا اور پھر اسے کنبہ تک منتقل کرنا، دور دراز علاقوں میں مقیم طلباء تک رسائی نہ ہونا، امتحانی مراکز کے محدود ہونے کی وجہ بن سکتی ہے۔ غیر بی جے پی ریاستوں نے یہ بھی بتایا ہے کہ سیلاب زدہ علاقوں میں رہنے والے طلبا کو مزید مضر صورتحال کا سامنا کرنا پڑے گا۔
ریاستی حکومتوں نے یہ بھی دعوی کیا ہے کہ متعدد ریاستوں میں لاک ڈاؤن کے سبب امتحانات جولائی میں ملتوی کردیئے گئے تھے اور ملک کی موجودہ وبائی صورتحال اس سے کہیں زیادہ خراب ہے جو اپریل یا جولائی میں تھی۔
"زندگی کو آگے بڑھانا چاہئے" کا مشورہ بہت ہی اچھا فلسفیانہ قول ہے۔لیکن NEET UG اور JEE امتحانات کے انعقاد میں پیش آنے والے مسائل مختلف پہلوؤں کا قانونی استدلال اور منطقی تجزیہ کا متبادل نہیں بن سکتا۔
اس عرضی کو مولو گھٹک (ٹی ایم سی ڈبلیو بی) ، رامیشور اورون (آئی این سی جھارکھنڈ) ، رگھو شرما (آئی این سی راجستھان) ، امرجیت بھگت (آئی این سی ، چھتیس گڑھ) ، بلبیر سنگھ سدھو (آئی این سی پنجاب) اور اودئے رویندر سامنت (شیوسینا مہاراشٹر) نے مشترکہ طور پر داخل کیا۔
یہ بھی پڑھیں:جے ای ای - نیٹ امتحانات پر حکومت کو طلبہ کی بات سننی چاہئے
