لاک ڈاون کی خلاف ورزی پر چار افسران کے خلاف کاروائی

وزارت داخلہ نے دہلی حکومت کے چار اعلی عہدیداروں کے خلاف لاک ڈاؤن پر صحیح طریقے سے عمل نہ کرنے پر کارروائی کی ہے، ان میں محکمہ ٹرانسپورٹ، داخلہ اور محکمہ خزانہ کے افسران شامل ہیں۔

وزارت داخلہ کا کہنا ہے کہ لاک ڈاؤن کے باوجود لوگ سڑکوں پر کیسے نکل آئے۔ نقل مکانی کررہے مزدوروں کو ڈی ٹی سی بسوں کے ذریعے کیسے بھیجا گیا۔

وزارت داخلہ کی جانب سے جاری احکامات

محکمہ ٹرانسپورٹ کے ایڈیشنل چیف سیکریٹری رینو شرما، محکمہ داخلہ کے ایڈیشنل چیف سیکرٹری ستیہ گوپال کو فوری طور پر معطل کر دیا گیا ہے جبکہ محکمہ خزانہ کے پرنسپل سکریٹری راجیو ورما اور سیلم پور کے ایس ڈی ایم کو وجہ بتاؤ نوٹس جاری کیا گیا ہے۔

بتا دیں کہ کورونا وائرس کے انفیکشن کی روک تھام کے لئے ملک گیر سطح پر 21 دنوں کے لاک ڈاؤن کے کے کے دوران یومیہ اجرت پر کام کرنے والے مزدور بھاری تعداد میں سڑکوں پر نکل آئے تھے اور انہیں ڈی ٹی سی بسوں میں آنند وہار سمیت دیگر مقامات پر لے جایا گیا تھا۔

وزارت داخلہ نے اسے نوٹس میں لیتے ہوئے لاک ڈاون کی خلاف ورزی قرارد یا ہے اور ان افسران کے خلاف کارروائی کی ہے۔