مدھیہ پردیش کانگریس کے الیکشن کمیشن کے ورکنگ انچارج جےپی دھنوپیا نے ریاست میں مستقبل قریب میں ہونے والے 24 اسمبلی حلقوں کے ضمنی انتخابات کے پیش نظر ریاستی حکومت کے ذریعہ سینئر افسروں کے تبادلوں پر روک لگانے کا مطالبہ کیا ہے۔
مسٹر دھنوپیا نے اس سلسلے میں ایک میمورنڈم ریاست کے چیف الیکشن افسر کو سونپا ہے۔اس میں کہا گیا ہے کہ حالانکہ الیکشن پروگرام ابھی تک اعلان نہیں ہوئے ہیں،لیکن اصولوں کے تحت مستقبل قریب میں 24 اسمبلی سیٹوں کے لئے ضمنی انتخابات طے ہیں۔
اس لئے ریاستی حکومت کے ذریعہ سینئر افسروں کے تبادلوں پر روک لگائی جائے۔میمورنڈم میں الزام لگایا گیا ہے کہ ضمنی انتخابات کو متاثرکرنےکےلئے برسراقتدار پارٹی اعلی افسروں کے تبادلے کررہی ہے۔
