مدھیہ پردیش کے ضلع بڑوانی کے چھوٹا بڑدا پہنچے مسٹر بیہار نے محترمہ پاٹکر کو لیمو پانی پلا کر کل دیررات ان کی بھوک ہڑتال ختم کرائی۔
محترمہ پاٹکر کے ساتھ بھوک ہڑتال پر بیٹھے نرمدا بچاؤ تحریک کے چھ دیگر کارکنان نے بھی اپنی بھوک ہڑتال ختم کی، جن میں چار خواتین شامل تھیں۔
پیر کی دیر شام وزیراعلی کمل ناتھ کے نمائندے کے طورپر چھوٹا بڑدا آئے سابق چیف سکریٹری مسٹر بیہار نے دھرنے کے مقام پر پہنچ کر محترمہ پاٹکر اور ان کے ساتھیوں سے بات چیت کر کے انہیں وزیراعلی کے پیغام اور سردار سروور پروجیکٹ کی آبی سطح کو کم کروانے کی کوششوں کے بارے میں تفصیل سے اطلاع دی۔
مسٹر بیہار نے محترمہ پاٹکر اورمتاثرین سے بھی بات چیت کرکے پوری معلومات حاصل کی۔
مسٹر بیہار نے اپیل کی کہ محترمہ پاٹکر اور دیگر ساتھ اپنی صحت اور مدھیہ پردیش حکومت کے مکمل تعاون کے پیش نظر اپنی بھوک ہڑتال اور دھرنا ختم کردیں۔اس کے بعد طے ہوا کہ محترمہ پاٹکر اور ساتھ 9 ستمبر کو بھوپال میں نرمدا وادی ترقی اتھارٹی(این وی ڈی اے)کے عہدے داران کے ساتھ میٹنگ کریں گے۔میٹنگ میں ان کے مسئلوں کا حل نہ ہونے پر بھوپال مین اپنے اگلے قدم پر فیصلہ کیا جائےگا۔
محترمہ پاٹکر اور ان کے ساتھ 25 اگست سے بھوک ہڑتال اور دھرنے پر تھے۔ سردار سروور باندھ آبی ذخائر سے منسلک مسئلے کے سلسلے میں محترمہ پاٹکر اور ان کے ساتھیوں کی تحریک جاری ہے۔
